कैलालीमा खोलाले बगाउँदा एक महिला बेपत्ता भएकी छिन्। कैलाली जिल्लाको मोहन्याल गाउँपालिका–४ की २५ वर्षीया कल्पना बम बिहीवार खोलाले बगाएपछि बेपत्ता भएकी हुन्।

कल्पना मोहन्याल गाउँपालिका–५ माइतीघरबाट घर फर्कने क्रममा मोहन्याल गाउँपालिका–४ स्थित सुपली खोला तर्ने क्रममा उक्त खोलाले बगाउँदा ठूलीगार्डमा बेपत्ता भएको इलाका प्रहरी कार्यालय पण्डौनले जनाएको छ। इलाका प्रहरी कार्यालय पण्डौनका अनुसार बेपत्ता कल्पनाको खोजतलास भईरहेको र हालसम्म फेला नपरेको प्रहरीले जनाएको छ।