काठमाडौँ। आईसीसी टी-२० विश्वकपअन्तर्गत आफ्नो पहिलो खेलमा नेपालले इंग्ल्यान्डविरुद्ध पहिले बलिङ गर्ने भएको छ। इंग्ल्यान्डले टस जितेर पहिले ब्याटिङ गर्ने निर्णय गरेसँगै नेपाली टोली पहिले फिल्डिङका लागि मैदान उत्रिन लागेको हो।
नेपालका लागि आजको खेलबाट शेर मल्लले टी-२० अन्तर्राष्ट्रियमा डेब्यु गर्ने भएका छन्। आजको खेलमा सोमपाल कामीको स्थानमा मल्ललाई मैदानमा उतार्न लागिएको हो। खेल केही समयपछि मुम्बइको वाङ्खडे मैदानमा सुरु हुनेछ। दर्शकहरु बाजबागाजासहित केही घन्टाअघिबाटै मैदानमा पुगिरहेका छन्।
नेपाल दुई पटकको विश्व च्याम्पियनविरुद्ध मैदान उत्रिँदै गर्दा स्वभाविक रुपमा उत्कृष्ट प्रदर्शनको प्रतिक्षामा रहेको छ। यो समूह ‘सी’ को दोस्रो खेल हो। यसअघि समूहको पहिलो खेलमा शनिबार वेस्टइन्डिजले स्कटल्यान्डलाई पराजित गरेको थियो।
यस्तो छ नेपालको प्लेइङ ११ः
कुशल भुर्तेल, आशिफ शेख, रोहित पौडेल, दिपेन्द्र सिंह ऐरी, आरिफ शेख, लोकेश बम, गुल्सन झा, करण केसी, नन्दन यादव, सन्दीप लामिछाने, शेर मल्ल