हेटौंडा | नेपाल कपडा तथा सिलाई व्यवसायी सङ्घ मकवानपुरको दोस्रो साधारण सभा तथा दोस्रो अधिवेशन शनिबार हेटौंडामा भव्यताका साथ सम्पन्न भएको छ। अधिवेशनले अमृता श्रेष्ठको अध्यक्षतामा ७ सदस्यीय नयाँ कार्यसमिति सर्वसम्मत चयन गरेको छ।
कार्यक्रमको उद्घाटन नेपाल कपडा तथा सिलाई व्यवसायी महासङ्घका केन्द्रीय अध्यक्ष रामकृष्ण श्रेष्ठले गर्नुभएको थियो। उद्घाटन समारोहलाई सम्बोधन गर्दै अध्यक्ष श्रेष्ठले सिलाई व्यवसायलाई आधुनिक र मर्यादित बनाउनुपर्नेमा जोड दिनुभयो।
“स्वदेशी उत्पादन र सीपलाई प्रवर्द्धन गर्न व्यवसायीहरू एकजुट हुनुपर्छ। राज्य
ले पनि साना तथा मझौला सिलाई व्यवसायीका समस्यालाई प्राथमिकतामा राख्नुपर्छ,” अध्यक्ष श्रेष्ठले भन्नुभयो।
बन्द सत्रले आगामी कार्यकालका लागि अमृता श्रेष्ठको नेतृत्वमा ७ सदस्यीय नयाँ कार्यसमिति निर्विरोध निर्वाचित गरेको हो।
नवनिर्वाचित अध्यक्ष श्रेष्ठले मकवानपुरका सिलाई व्यवसायीहरूको हकहितका लागि आफू प्रतिबद्ध रहने र व्यवसायलाई थप व्यवस्थित बनाउन योजनाबद्ध रूपमा अघि बढ्ने प्रतिवद्धता व्यक्त गर्नुभयो।
कार्यक्रममा जिल्लाभरका व्यवसायीहरूको उल्लेखनीय सहभागिता रहेको थियो। व्यवसायीहरूले कच्चा पदार्थको बढ्दो मूल्य र दक्ष जनशक्तिको अभाव जस्ता समस्याबारे समेत छलफल गरेका थिए।
